Rat annoys cats @ Yahoo! Video and My thoughts

လောကကြီး.... ဘာတွေဖြစ်ကုန်ပြီလဲ???
ဒီ video လေးကြည့်ပြီး အတွေးလေးတစ်ခုပေါ်လာတယ်။ လူတွေအနေနဲ့  ကြောင်တွေဟာ ကြွက်ကိုခုတ်ရမယ်လို့  သိထားတာပါ။ ခုတော့ ကြောင်ကကြွက်ကိုတောင် နည်းနည်းကြောက်နေသလို တွေ့  ရတော့ တစ်ခုခုမှားနေသလိုလို ခံစားရတယ်။

ဒီကြောင်အနေနဲ့ ကြွက်ဆိုတာ ခုတ်(သတ်) ကောင်းတဲ့အရာလို့  ခံယူမထားလို့  ကြွက်ကိုဘာမှမလုပ်တာ။ အဲဒီကြောင်ကသာ ကြွက်မြင်ရင် ခုတ်ရမယ်လို့ ခံယူထားရင် အဲဒီကြွက် ခုလောက်ဆို အသက်ရှိမှာ မဟုတ်တော့ဘူး။ ကြောင်တွေကို ကြွက်ခုတ်တတ်အောင် လူတွေကပဲ သင်ပေးလိုက်တာဖြစ်နိုင်သလို ပတ်ဝန်းကျင်မှာ ကြွက်ကိုခုတ်တဲ့ကြောင်တွေ မရှိရင် ကြောင်တွေဟာ ကြွက်ကိုခုတ်ရမယ်လို့  မယူဆထားဘူး ဆိုတာမြင်သာပါတယ်။


လူတွေမှာလဲ ခုလိုမျိုး ကိုယ့်ခံယူချက်အတိုင်း လုပ်နေကြတဲ့ ကိစ္စတွေအများကြီးပါ။ လူလူအချင်းချင်း ခံယူချက်တွေကလဲ ကူးစက်တတ်ပါတယ်။ ကိုယ်နဲ့ ခံယူချက်မတူတဲ့လူနဲ့ တွေ့ ရင်အဲဒီလူကပဲ တစ်ခုခုမှားနေသလိုလို ပြောကြ၊ ယူဆတတ်ကြပါတယ်။ တကယ်တမ်းတော့ သူလုပ်နေတဲ့ လုပ်ရပ်က ဘယ်သူ့ ကိုမှလဲဒုက္ခမပေး၊ အနှောင့်အယှက်မပေးဘူး ဆိုရင် ခံယူချက်မတူရင်တောင် သူ့ ကိုမကဲ့ရဲ့ သင့်ပါဘူး။ ခံယူချက်ချင်းမတူတာဟာ မိတ်ဆွေအချင်းချင်းခင်မင်မှုကြားမှာ တံတိုင်းတစ်ခုမဖြစ်သင့်ဘူး။

ဥပမာ

သူငယ်ချင်းတစ်ယောက်က သူဌေးကြီးဖြစ်ချင်တယ်၊ လောဘတွေရှိတယ်ဆိုပါတော့။ (လောဘနောက်က ဒေါသတွေ မောဟတွေလိုက်လာမှာပါ။) နောက်သူငယ်ချင်းတစ်ယောက်ကတော့ ဘုန်းကြီးဝတ်ပြီး လောဘ၊ ဒေါသ၊ မောဟ တွေငြိမ်းချင်တယ်။  သူတို့ နှစ်ဦးရဲ့ခံယူချက်က လုံးဝကိုမတူညီကြတဲ့အပြင် ဆန့် ကျင်လို့ တောင်နေသေးတယ်။ သူတို့ က ကိုယ့်ခံယူချက်ကသာမှန်တယ်လို့  ယူဆထားကြရင် ကိုယ်နဲ့ မတူတဲ့ သူငယ်ချင်းကိုကိုယ့်လိုတွေးအောင်၊ ကိုယ့်လို ဖြစ်အောင် တိုက်တွန်းမှာပဲ။ တစ်ဖက်က ကိုယ့်လိုလိုက် မလုပ်ရင် ဘယ်ကျေနပ်ပါ့မလဲ။ ဒီလိုနဲ့ ပဲ ဒီသူငယ်ချင်းနှစ်ယောက်ဟာ သူငယ်ချင်းဘ၀ကနေ ရန်သူဘ၀ကိုရောက်သွားနိုင်ပါတယ်။

ဘုန်းကြီးဝတ်ချင်တဲ့ သူငယ်ချင်းဟာ ၀ိပဿနာ ရှုထောင့်ကကြည့်ရင် အမှန်ကန်ဆုံးရွေးခြယ်မှုပါ။ သူယုံကြည်တဲ့အတိုင်း သူလုပ်ဆောင်သွားရင် အောင်မြင်မှာပါ။ သူဌေးဖြစ်ချင်တဲ့သူငယ်ချင်းက မလုပ်ချင်လုပ်ချင်၊ မယုံ့ တယုံ နဲ့  ဘုန်းကြီးသွားဝတ်ရင် တရားမရတဲ့ အပြင် အကုသိုလ်တောင်ဖြစ်နိုင် ပါတယ်။

အဲဒီသူဌေးဖြစ်ချင်တဲ့ သူငယ်ချင်းဘက်ကကြည့်ပြန်တော့ "အူမတောင့်မှ သီလစောင့်နိုင်မယ်" ဆိုတဲ့ စကားပုံကို လက်ကိုင်ထားပြီး တွေးမှာ၊ ရပ်တည်နေမှာပဲ။ သူ့ ယုံကြည်ချက်အတိုင်း စီးပွားရေးတွေကြိုးစားလုပ်ပြီး တစ်နေ့ မှာ အောင်မြင်တဲ့ သူဌေးကြီးတစ်ယောက်ဖြစ်လာမှာပါ။ လောဘနည်းတဲ့ဘုန်းကြီး သူငယ်ချင်းကို သူ့ လိုစီးပွားရေးလုပ်ခိုင်းရင် သူ့ လောက်မအောင်မြင်နိုင်ဘူး။

သူဌေးဖြစ်ချင်တဲ့သူငယ်ချင်းက တစ်ချိန်ကျတော့ ချမ်းသာကြွယ်ဝမှုဟာ မမြဲဘူးလို့ သိလာရင် သူ့   အလိုလိုခံယူချက်ပြောင်းပြီး တရားဘောင်ကို ဘယ်သူမှမခေါ်လဲ ရောက်လာမှာပါပဲ။
ဘုန်းကြီးဝတ်မယ့်သူငယ်ချင်းလဲ "သြော်... မိသားစုအတွက်တော့ ရှာဖွေပေးခဲ့ ဦးမှဖြစ်မှာပါပဲ၊ ပြီးမှ တရားဘောင်ထဲဝင်မယ်" ဆိုပြီး ခံယူချက်ပြောင်းသွားရင် ဘယ်သူမှ မတိုက်တွန်းပေမယ့် သူ့ ဟာသူ ၀မ်းစာရှာလာမှာပါပဲ။

ဒီဥပမာတွေကတော့ နည်းနည်းအစွန်းရောက်အောင်ပြောထားတာပါ။ လက်တွေ့ မှာ ဒီလောက်အစွန်းမရောက်ပေမယ့် မသိမသာ မတူညီချက်လေးတွေ မိတ်ဆွေတွေကြားမှာ ရှိနေမှာ အမှန်ပါ။

တံငါနားနီးတံငါ၊ မုဆိုးနားနီးမုဆိုး

နောက်တစ်ခုသတိထားရမှာက "တံငါနားနီးတံငါ၊ မုဆိုးနားနီးမုဆိုး" ဆိုသလိုပဲ ကိုယ်နဲ့ နီးတဲ့ လူရဲ့ ခံယူချက်ဟာ ကြာလာရင် မသိမသာနဲ့  ကိုယ့်ခံယူချက်ဖြစ်လာတတ်တယ်။ ကူးစက်လာတာပေါ့။ ကိုယ့်ပတ်ဝန်းကျင်မှာရှိတဲ့ လူက ကောင်းတာတွေး၊ ကောင်းတာကျင့်တဲ့လူဆိုရင် ကူးစက်လာတာအကောင်းဆုံးပေါ့။ မကောင်းတဲ့အတွေး မကောင်းတဲ့ အကျင့်ရှိရင်တော့ မကူးစက်စေနဲ့ ။

သူများတွေကိုယ့်ခံယူချက်နဲ့ မတူရင် ဥပက္ခာပြုထားပါ။ ကိုယ့် ခံယူချက်တွေကိုလည်း သူများကို အရောင်သွားမဆိုးမိပါနဲ့ ။ ကိုယ်ကကောင်းတာဆိုးမိရင်အရေးမကြီးပါဘူး။ မကောင်းတာများသွားဆိုးမိရင် သံသရာတစ်လျှောက် အကြွေးပါသွားမယ်။ ကိုယ့်မှာ သားသမီးရှိရင် ဒီအရောင်ဆိုးတဲ့ကိစ္စက ပိုအရေးပါသွားပြီ။ သူတို့ အနာဂတ်အတွက် ကောင်းတဲ့အရောင်တွေဆိုးမိ ဖို့ လိုတယ်။

ကိုယ်ကတရားအလုပ်လုပ်တာကောင်းတယ်။ သူများကိုလဲ ကောင်းတာလိုက်လုပ်စေချင်တယ်။ လိုက်လုပ်ရင် ပျော်တယ်။ လိုက်မလုပ်ရင်တော့ ဥပက္ခာပြုမှဖြစ်မယ်။ ဒီလိုမဟုတ်ပဲ ဒေါသတွေထွက်နေရင် ကိုယ်တရားလုပ်နေတယ်ဆိုတာရော ဟုတ်ရဲ့လားလို့  သတိထားပါ။

ဥပက္ခာ

ဥပက္ခာပြုတယ်ဆိုတာ တရားသဘောအရပြောတာပါ။ လူပြိန်းတွေ နားလည်ထားသလို လျစ်လျူရှုလိုက်တာမျိုး၊ ဂရုမစိုက်ဘူးကွာ ဆိုတာမျိုးမဟုတ်ပါဘူး။ မြစ်ရေစီးတာကို ထိုင်ကြည့်နေရင် ကိုယ့်စိတ်ထဲမှာ လိုချင်လှချည့်ဆိုတဲ့လောဘတွေမရှိသလို၊ ဒေါသတွေလဲဖြစ်မနေပါဘူး။ အဲဒီလို စိတ်မျိုးကို ဥပက္ခာဆိုပြီး လွယ်လွယ်နားလည်ထားလိုက်တယ်။

ဒီလိုစိတ်ထားနိုင်ရင် မိသားစုပြဿနာတွေ၊ အိမ်ထောင်ရေးကွာရှင်းတဲ့ ပြဿနာတွေအင်မတန် နည်းသွားမှာပါ။ ကမ္ဘာကြီးလည်း ပိုပြီးငြိမ်းချမ်းလာမယ်။ ကိုယ့်ပတ်ဝန်းကျင်ကလူတွေကိုလည်း အကောင်းမြင်လာတဲ့အတွက် ကိုယ်တိုင်လည်း စိတ်ချမ်းသာလာမှာပါ။


ဥပက္ခာလေးလက်ကိုင်ထား၊ အမှားမရှိပါ။


သင်ရောဘယ်လိုတွေးလဲ? ဘယ်သူ့ တွေကို အရောင်တွေဆိုးပြီးပြီလဲ?



ခိခိ


မှတ်ချက်။          ။ ဒါကခိခိရဲ့အတွေးတွေပါ။ အမြဲတမ်းလိုလိုတော့ ဒီလိုတွေးတွေးနေတတ်တယ်။ ဒါပေမယ့် ချရေးလေ့မရှိဘူး။ ဒီတစ်ခါအစမ်းရေးကြည့်လိုက်တာ။ တော်တော်တောင်ရှည်သွားတယ်။  ကိုယ်တွေးတာဟာသူများနဲ့  မတူနိုင်ဘူး။ ကိုယ်ဟာလဲအမြဲ မမှန်နိုင်ပါဘူး။ ဒါပေမယ့်လဲ အတွေးဆိုတာအတွေးပေါ့လေ။ ပေါ်ပြီးတော့ပျောက်သွားမှာပါပဲ။ ချရေးထားတော့ နည်းနည်းကြာကြာပေါ်တာပေါ့။